今日，本身係打算去姫路城
好靚好想去～！
但原來而家裝修緊，變成咁 . . .
應該要在2014年第1季才整好 . . . 所以留返出年之後再去姫路城啦
所以，今日的行程改為去神戶 KOBE
(KOBE BRYANT 的KOBE，好似佢老豆鐘意食神戶牛柳而改的...
佢老豆好啟發到我 XD )
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
講返今日行程，一起身又係一個勁靚的早晨
酒店出面條馬路
黑色那楝就係我住的來山南館
動物園前站
水渠蓋上印有大阪城的雕花
今日係用 3DAYS KTP 去神戶
(外國人買的KTP PASS 係可以不用連續用，可分開三日用)
搭到去梅田站，然後要揾「阪神電車」
超複雜的地圖 . . . *_*
梅田地鐵站 (同動物園前站比乾淨好多)
我企左o係呢個時間表前好耐...
識睇到要搭邊班車之際，再望向o個個月台，班車開走左...
搭錯D站站停的車好大鑊o架！所以要睇清睇楚先好上車！
其實都係等多十分鐘，要坐那部車就來到喇～
直特 姬路
(其實佢個個名都好似好快咁... 又特急、急行、準急.... 十萬個差唔多o既名...)
約半個鐘左右就去到神戶的「三宮」了！
要轉坐地下鐵 (西神.山手線)
無時無刻，要留意指示牌
行左一陣，見到西神山手線個牌喇！
沿途有D景點介紹～～
Happy Kobe Wedding
但個新郎哥o係邊？私影o黎o架？
神戶其中一個著名景點！
一比一 鐵人28 ！！
有地圖教埋點去
要去新長田站 (KTP 都包埋神戶地鐵的)
有晒指示教點去
其實我未睇過鐵人28的卡通
而且機械人大戰好似冇得用佢 XD
其實好憎日本D地圖唔會永遠向北顯示的...
但佢顯示的方向又唔係你企緊o既方向...
所以成日都要用Google map 揾路...
真係勁好天o架！
一比一原大鐵人28 ～～
唔多的個人旅遊照
鐵人28隔離個公園仔
在日本，求其影張相都靚過香港
呢張係用手機影
睇完 IRON MAN 28 就行下條商店街 (今次去o既地方全部都有商店街... 太變態了!)
去日本必入的藥店
而一定要入的就是龍角散
經粗略格價後，我發覺神戶、京都的藥店係比大阪平
魚檔
大大條大眼雞都係 550 YEN！！平得驚人！！
條街係以橫山光輝的鐡人28 同三國志做主題
所以兩旁都有好多相關紀念品、展品等
但可能太早到啦，好多SHOP都未開
行行下見到呢個三國志展館
個入口都幾型
中文字，好親切
有交流館、體驗館
可俾錢換衫影相留念，但我冇乜興趣做呢D野
諸葛亮張櫈
係中文來的嗎？？？
三國各武將臉譜
曹操可以咁樣衰o既？
另外有個戰爭場境微縮，要收 400 Yen
我又唔係太感興趣，所以唔入去睇
離開展館，行返落條大街，就見到間地鋪
入去睇下，原來係橫山光輝的展館 (唔駛入場費)
佢畫的手稿、漫畫
趙雲～ 型仔！
有D紙牌遊戲
橫山光輝的作品
不同的鐵28公仔
劉關張桃園結義
鋪頭出面的孫權像
雖然鋪頭未開，但有個類似跳蚤市場剛剛開左
鋪不多，約30-40間左右
賣o既野都係D衫褲、精品同日用品咁
商店街兩側都有一些三國志的展覽
小喬、大喬同曹操有關係o既咩？？
我見到關羽就覺得好好笑....
行到餓餓地
求其揾間章魚燒食
我明明用300YEN買6粒
點解會多左一粒??
唔理啦～ 開餐～
不消10分鐘～～ KO左~~
好好食～！
食完章魚燒，就搭地鐵去返三宮
沿途見到吉野家
比香港貴啊～～
我就係要揾呢個 CITY LOOP站
CITY LOOP 簡介：http://nicklee.tw/index.php?id=799&load=read
勁多人上車
去到北野異人館，已經勁多人排隊
所謂異人館，即係外國領事館
但而家全部變晒展館o架喇～～
係唔係教會o黎尼？
想入去睇就科水啦～
但我又係冇興趣睇
睇書講，最出名的就是風見雞之館
於是就沿路慢慢行上去
沿途有好多手信店
應該係結婚用的
呢個比卡超造型幾特別喎～～
沿途的景色、建築都好靚
應該好好食～～
行多一陣，唔駛好耐就到風見雞之館
入去參觀要俾錢，哈哈～～ 所以都唔入喇～～
風見雞之館對出有個小廣場，正在有人表演魔術
風見雞隔離係天滿神社，行上去睇下
唔係好長的，行幾級好快到
其實上去就係為左睇隻雞
神戶景
神社裡面的建築都幾靚的
呢度係一個俾人結婚的地方
幾靚的～
另一個叫萠黃之館，都係要俾錢入
出面影張相就算喇
沿途有D畫家賣畫
D畫都幾靚
落返去巴士站附近
有英國館同法國館可俾錢參觀
哈哈，麵包超人剛剛開
神戶塔
路經神戶海洋博物館
行到去海邊時，見到另一個市場
日本人用部車載住D貨
去到呢度就變為間鋪，雖然冇在這裡買乜，但就咁行下已經好有趣
突然傳來一陣陣音樂
再望向遠處！有好多具攻擊性的長炮！
原來有舞團練習緊
我部 LX-7 最長得 90mm咋 . . .
哈哈，睇左陣就走
欣賞下神戶港的美麗啦～
整個旅程，我最喜歡的一張相
圖片說故事
今日天氣都幾熱，整返枝凍麥茶飲下
等車再去下一站
元町商店街～～
一條被封頂的商店街
其實我唔知有乜行，只係一心揾相機鋪 XD
APPLE 迷注意～
巨峰提子乾
有書店
有餐廳
仲有免費綠茶贈飲
原本好想食呢個神戶牛柳2900 YEN
但出發前幾天已經食左件超正的A4牛柳
而且又趕時間 SHOPPING，所以最終都係經過冇食
途中經過D波鞋鋪，有D都幾抵
行行下街，就好唔小心入左D野喇 . . .
離開元町商店街
元町商店街斜對面就係三宮商店街
又係另一個無間地獄
行到咁上下，都差唔5點
原本夜晚仲有個睇夜景的行程
但已經行到好累了，於是搭車返大阪了
日落了～～
坐左一程車，返到梅田冇咁攰喇
既然來到梅田，不能不入這裡朝聖一下
大到無論的 YODOBASHI
睇外觀就知大到痴線啦
裡面有一大層同足球場差唔多大的地方剩賣相機、鏡頭、相機袋及週邊用品
係靚,，但可惜我揾唔到要入Q10的原因
行行下，見到有MIFFY相簿
在香港見唔到有得買，即刻SEND俾琪琪睇
問佢鐘意邊款先～～
最終係揀左左手兩隻兔仔那本～～
再上一層間CD鋪裡面有2AM的碟 . . .
唔影低唔得啦～～
跟住過左玩具部，見到有勁多四驅車！
其實最想買呢部車，最鐘意係呢部
在 Yodobashi 行左差唔多2小時，到9點鐘
好攰喇，搭車返酒店
在酒店附近揾左間餐廳食晚飯
自助購票的，好方便
今晚食鹽鯖定食
590YEN 好抵呀！！
好鐘意呢個載住冰茶的水壺設計
買完飛坐底，等一陣就有人送個餐送來喇
轉眼間
灰飛煙沒
今日在神戶時買左的藥
第二日
～ 完 ～
明日預告：
極美京都一天之旅
你是搭CITYLOOP到神戶港嗎?還是你走??
回覆刪除